धनगढी- जनता समाजवादी पार्टीका प्रदेश सभा सदस्यहरूले मुख्यमन्त्री त्रिलोचन भट्टलाई विश्वासको मत नदिने भएका छन्।
संघीय सरकारमा प्रधानमन्त्री केपी शर्मा ओलीलाई जनता समाजवादी पार्टीको समर्थन रहेको छ। हाल जनता समाजवादी पार्टी ओली नेतृत्वको सरकारमा छ।
सुदूरपश्चिम प्रदेश सभामा नेकपा एमाले ओली समूहले प्रदेश सरकारको विपक्षमा मत जाहेर गर्न आफ्ना प्रदेश सभा सदस्यहरूलाई निर्देशन दिएको छ।
केन्द्रमा भएको सत्ता समिकरण अनुसार मुख्यमन्त्रीलाई विस्वासको मत नदिने निर्णय भएको जसपा संसदीय दलका नेता कृष्णबहादुर चौधरी बताए। सुदूरपश्चिम प्रदेश सभामा जसपाबाट कृष्णबहादुर चौधरी र मालामति राना प्रदेश सभा सदस्य रहेका छन् ।