ब्राउन सुगरसहित तीन जना प्रहरीको नियन्त्रणमा

धनगढी- कैलाली प्रहरीले लागुऔषध ब्राउन सुगरसहित दुई महिलासहित तीन जनालाई नियन्त्रणमा लिएको छ।

कैलालीको धनगढी उप-महानगरपालिका-७ की २० वर्षीया मैना साउँद, बैतडी धनगढी उप-महानगरपालिका-२ कृष्णनगर टोलमा डेरागरी बस्ने ३५ वर्षीया लक्ष्मी भट्ट र सोही ठाउँका २५ वर्षीय सञ्जीप सिंहलाई प्रहरीले नियन्त्रणमा लिएको हो।

लक्ष्मी भट्टको घरमा लागुऔषधको कारोबार भइरहेको सूचनाको आधारमा खानतलास गर्दा सिंह र साउँदले टेबुलमुनि लुकाईरहेको अवस्थामा ६.१७५ ग्राम ब्राउन सुगर, ६ ट्याब्लेट नाईट्रोभेट र लागुऔषध नापतौल गर्ने डिजिल तराजु फेला परेको जिल्ला प्रहरी कार्यालय कैलालीका प्रवक्ता प्रहरी नायव उपरीक्षक प्रतिक विष्टले बताए।

उनीहरुलाई नियन्त्रणमा लिएर थप अनुसन्धान भइरहेको बिष्टले बताए।