सिरहा- सिरहाको मिर्चैयामा एक पुरुषमाथि गोली प्रहार भएको छ। मिर्चैया नगरपालिका-५ मा स्थानीय रामसागर साफीमाथि गोली प्रहार भएको हो।
अज्ञात समूहले साफीलाई गोली हानेको प्रहरीले जनाएको छ। साफीको हात र तिघ्रामा गोली लागेको इलाका प्रहरी कार्यालय मिर्चैयाका डिएसपी राजेन्द्र श्रेष्ठले जानकारी दिए।
घाइते साफीको मिर्चैयामा उपचार भइरहेको छ। गोली चलाउने समूहको खोजी कार्य भइरहेको डिएसपी श्रेष्ठले जानकारी दिए।