बेलायतमा फेरि बढ्यो कोरोना संक्रमण

एजेन्सी- बेलायतमा दुई महिनायता शुक्रबार सबैभन्दा धेरै कोरोना संक्रमित भेटिएका छन्। त्यहाँको सरकारी निकायले सार्वजनिक गरेको तथ्यांकमा शुक्रबार दुई महिना यताकै धेरै संक्रमित भेटिएको पाइएको छ।

शुक्रबार त्यहाँ ६ हजार २३८ जना कोरोना भाइरसका संक्रमित भेटिएका हुन्। यो संख्या बेलायतमा करिब दुई महिनायताकै धेरै हो।

त्यहाँ अहिलेसम्ममा देशभरिमा कोरोनाका ४५ लाखभन्दा बढी संक्रमित भेटिएका पाइएको छ। बेलायतमा कोरोना भाइरसबाट अहिलेसम्म कम्तीमा १ लाख २७ हजार जनाको मृत्यु भइसकेको छ।

अधिकारीहरुले पछिल्लो समयमा फेरि बेलायतमा दैनिक देखिने संक्रमितहरुको संख्या बढ्न थालेको बताएका छन्।