जसपामा गुट परिवर्तन गरेका पाँचमध्ये तीन जना बने मन्त्री

काठमाडौं– जनता समाजवादी पार्टी (जसपा) का अध्यक्ष उपेन्द्र यादव समूहबाट अर्का अध्यक्ष महन्थ ठाकुरका पक्षमा लागेका पाँच नेतामध्ये तीन जना ओली सरकारमा मन्त्री बनेका छन्। 

यसरी मन्त्री बनेकामा उमाशंकर अरगरिया, विमल श्रीवास्तव र रेनुका गुरुङ छन्। अरगरिया वन तथा वातावरणमन्त्री, श्रीवास्तव श्रम तथा रोजगारमन्त्री र गुरुङ महिला, बालबालिका तथा ज्येष्ठ नागरिक राज्यमन्त्री बनेका हुन्। 

उनीहरु पूर्व समाजवादी पार्टीबाट जसपामा आएका हुन् । उनीहरुसँगै आएकामध्ये कलुदेवी विश्वकर्मा र रुही नाज भने मन्त्री बनेका छैनन्।