ओली क्याबिनेटमा चार मन्त्रीबाहेक सबै नयाँ 

काठमाडौं– प्रधानमन्त्री केपीशर्मा ओलीले आफ्नो मन्त्रिपरिषद्मा रहेका चारजनाबाहेक सबै मन्त्री हेरफेर गर्ने भएका छन्। 
प्रधानमन्त्री निकट स्रोतका अनुसार अहिले रहेका चारजनाबाहेक सबै मन्त्रीहरु नयाँ नियुक्त हुन लागेका हुन्। 

अर्थमन्त्री विष्णु पौडेल, शिक्षामन्त्री कृष्णगोपाल श्रेष्ठ, कानुनमन्त्री लीलानाथ श्रेष्ठ र भौतिक योजना तथा पूर्वाधार मन्त्री वसन्त नेम्वाङबाहेक सबै मन्त्री हेरफेर गर्न लागिएको हो। 

नयाँ मन्त्रीहरुमा केही एमालेका र जसपाका रहने छन्। जसपा ८ मन्त्री र २ राज्यमन्त्रीसहित सरकारमा सहभागी हुँदैछ।