महामारीमा १९ पत्रकारको मृत्यु

काठमाडौं- कोरोना भाइरस संक्रमणबाट १९ पत्रकारको निधन भएको प्रेस काउन्सिलले जानकारी दिएको छ। यस्तै ९ सय पत्रकार संक्रमित भएको र तीमध्ये २ सय संक्रमित रहेको काउन्सिलले शुक्रबार जारी गरेको विज्ञप्तिमा उल्लेख छ।

३० जना पत्रकारको विभिन्न अस्पतालमा उपचार भइरहेको छ। काउन्सिलका अनुसार ५ जनाको आईसीयू र भेन्टिलेटरमा उपचार भइरहेको छ। 

काउन्सिलले महामारीको निहुँ बनाएर कुनै पत्रकारलाई पनि सेवाबाट नहटाउन, कामबाट वञ्चित नगर्न, ऐन–नियमले तोकेबमोजिम तत्काल सेवासुविधा उपलब्ध गराउन सञ्चार गृहहरुलार्ई अनुरोध गरेको छ।