सुर्खेत- लेकबेँशी नगरपालिका-२ साँझे बस्ने ३१ वर्षीय बमबहादुर ठाडामगरको ढुंगा प्रहारबाट मृत्यु भएको छ। बुधबार घरायसी विषयमा विवाद हुँदा उनकै दाइ ३४ वर्षीय टोप बहादुर ठाडामगरले टाउकोमा ढुंगाले प्रहार गरेका थिए।
ढुंगा लागेर गम्भीर घाइते भएका बमबहादुरको देउती नर्सिङ होम सुर्खेतमा उपचारको क्रममा मृत्यु भएको हो। ईलाका प्रहरी कार्यालय लेकबेशी र ईलाका प्रहरी कार्यालय छिन्चुबाट खटिएको प्रहरीले टोप बहादुरलाई नियन्त्रणमा लिएको छ।
घटनाका सम्बन्धमा प्रहरीले थप अनुसन्धान गरिरहेको छ।