एमाले स्थायी कमिटी बैठक बस्दै

काठमाडौं- नेकपा एमालेको स्थायी कमिटीको बैठक आज बस्दैछ। आन्तरिक कारण बुधबार स्थगित भएको बैठक अपरान्ह ४ बजे प्रधानमन्त्री निवास बालुवाटारमा बस्न लागेको एमाले कार्यालय सचिव शेरबहादुर तामागंले जानकारी दिए। 

आजको बैठकमा पार्टीलाई फुट्नबाट जोगाउने विषयमा छलफल हुने जनाइएको छ। यसबीचमा दोस्रो तहका नेताहरुबीच अनौपचारिक छलफल भइरहेको थियो। उक्त छलफलमा भएको विषयमा पनि बैठकमा गृहकार्य गरेर थप रणनीति बनाइने बताइएको छ। 

मंगलबार बसेको स्थायी कमिटी बैठकले एकताका लागि अन्तिमसम्म प्रयास गर्ने निर्णय गरेको थियो। एमालेले वरिष्ठ नेता माधवकुमार नेपाल र झलनाथ खनालसहित ११ जना सांसदलाई साधारण सदस्यसमेत नरहनेगरी निष्काशन गरिसकिएको छ। भने थप १२ जना सांसदलाई स्पष्टीकरण सोधिएको छ। त्यस बारेमा थप निर्णय भने स्थायी कमिटी बैठकले गरेको छैन।