काठमाडौं- अन्तर्राष्ट्रिय मैत्रीपूर्ण फुटबलअन्तर्गत बुधबार राति सम्पन्न खेलमा युरो कप २०२१ को तयारीमा रहेका फ्रांन्स, इंग्ल्यान्ड र जर्मनीले जित निकालेका छन्।
फ्रान्सको एलिनाज रिभेरा रंगशालामा सम्पन्न खेलमा घरेलु टिमले पाहुना टिम वेल्सलाई ३–० गोलले हराएको छ। फिफा विश्वकप विजेता फ्रान्सका लागि केलियन एम्बाप्पे, एन्टोनी ग्रिजम्यान र ओउसमान डेम्बेलेले गोल गरेका थिए।
खेलको २५औं मिनेटमै वेल्सका नेको विलियम्सले रेड कार्ड पाएर १० खेलाडीमा समेटिएपछि फ्रान्सले दबाब बनाएको थियो।
बुधबार रातिकै अर्को खेलमा इंग्ल्यान्डले अष्ट्रियालाई साँघुरो गोलअन्तरले हराएको छ। इंग्ल्यान्डको मिडल्स्ब्रुगस्थित रिभरसाईड रंगशालामाा बुकायो साकाले गोल गरेपछि इंग्ल्यान्डले दोस्रो हाफमा अग्रता बनाएको थियो।
पाहुना टिमबाट गोल सम्भव नभएपछि इंग्ल्यान्ड एक गोलले अघि रहँदै खेल जित्यो।
यता घरेलु मैदानमा जर्मनी भने डेनमार्कसँग १–१ गोलको बराबरीमा रोकिएको छ। जर्मनीका लागि फ्लोरियन नेउहास र डेनमार्कका युसुफ पोउलसेनले गोल गरेका थिए।