प्रदेश १ : पछिल्लो २४ घण्टामा २२ काे मृत्यु, १,०४२ संक्रमणमुक्त

विराटनगर- कोरोना संक्रमणबाट पछिल्लो २४ घण्टामा प्रदेश १ मा २२ जनाको मृत्यु भएको छ। मृत्यु हुनेमा मोरङका ८, झापाका ५, सुनसरीमा ३, धनकुटाका २, उदयपुरका १ र प्रदेश १ बाहिरका ३ जना छन्। 

सामाजिक विकास मन्त्रालयका अनुसार नोबेल शिक्षण अस्पतालमा ११, बीपी कोइराला स्वास्थ्य विज्ञान प्रतिष्ठान र कोशी कोभिड अस्पतालमा ३–३, मेची अस्पताल र अन्य आइसोलेसनमा २–२ र होम आइसोलेसनमा १ जनाको मृत्यु भएको हो। प्रदेश १ मा बिहीबारसम्म ९२५ जनाको मृत्यु भएको छ। दोस्रो लहरपछि मात्रै ४६९ जनाको मृत्यु भएको छ। 

प्रदेश १ मा बिहीबार १,०४२ जना कोरोना संक्रमणमुक्त भएका छन्। संक्रमणमुक्त हुनेमा ४४१ महिला र ६०१ पुरुष रहेको सामाजिक विकास मन्त्रालयले जनाएको छ। मोरङबाट मात्रै आज ५४५ जना संक्रमणमुक्त भएका छन्। हालसम्म संक्रमणमुक्त हुनेको संख्या ३८ हजार ४३० पुगेको छ। 

प्रदेश १ मा बिहीबार ७१८ जना कोरोना संक्रमित थपिएका छन्। मोरङमा ३०२, झापामा २९३, सुनसरीमा ४५, इलाममा २७, सोलुखुम्वुमा १३, धनकुटामा ७, उदयपुरमा ४, खोटाङमा ३, पाँचथर, ताप्लेजुङ, संखुवासभा र भोजपुरमा १–१ र प्रदेश १ बाहिरका २० जनामा संक्रमण देखिएको सामाजिक विकास मन्त्रालयले जनाएको छ।

प्रदेश १ मा कोरोना संक्रमितको संख्या ५९ हजार ४६० पुगेको छ। सक्रिय संक्रमितको संख्या २० हजार १०५ पुगेको छ। प्रदेश १ मा आज १ हजार ८०२ जनाको पीसीआर परीक्षण गरिएको छ। परीक्षण गरिएकामध्ये २९९ महिला र ४१९ पुरुषको रिपोर्ट पोजेटिभ आएको सामाजिक विकास मन्त्रालयले जनाएको छ।