काठमाडौं– स्वास्थ्य तथा जनसंख्या मन्त्रालयले जनस्वास्थ्य सम्बन्धी सूचना लिनुपरेमा विभागीय मन्त्री वा मन्त्रालयले तोकेका अधिकारीबाट मात्रै लिन अनुरोध गरेको छ।
अनधिकृत व्यक्तिबाट लिइएको सूचनाले समाजमा कोरोना र जनस्वास्थ्य सम्बन्धी भ्रम फैलिएको भन्दै विभागीय मन्त्री र मन्त्रालयले तोकेका अधिकारीबाट मात्रै सूचना लिन अनुरोध गरिएको हो।
तोकिएका व्यक्तिबाहेक अन्यबाट सूचना तथा जानकारी लिने कार्य रोकिदिन मन्त्रालयले प्रधानमन्त्री तथा मन्त्रिपरिषद् कार्यालयलाई पत्र लेखेर अनुरोध गर्ने जनाएको छ।
सबै सञ्चारमाध्यमलाई प्रधानमन्त्री कार्यालयबाट तोकिएका व्यक्तिबाहेक अन्यबाट सूचना नलिनका लागि पत्राचार गरिदिन पनि स्वास्थ्य मन्त्रालयले अनुरोध गरेको छ।