काठमाडौँ- गृहमन्त्री रामबहादुर थापा बादललाई हराउँदै राष्ट्रियसभा सदस्यमा विजयी भएका डा. खिमलाल देवकोटोल पद तथा गोपनीयताको सपथ लिएका छन्। संघीय संसद् सचिवालयमा राष्ट्रिय सभाका अध्यक्ष गणेश तिमिल्सिनाले डा देवकोटालाई सपथ खुवाएका हुन्।
बागमती प्रदेशमा भएको जेठ ६ मा भएको उपचुनावमा डा देवकोटा विजयी भएका हुन्। नेपाल कम्युनिस्ट पार्टी एमालेका आधिकारिक उम्मेद्वार गृहमन्त्री रामबहादुर थापा थिए भने डा देवकोटा पनि नेकपा एमालेकै माधवकुमार नेपाल पक्षका नेता हुन्।
देवकोटा कांग्रेस, माओवादी, एमाले (माधव नेपाल) पक्ष, जसपाबाट साझा उम्मेद्वार बनेर चुनाव जितेका हुन्। आधिकारिक उम्मेदवारविरुद्ध बागी उम्मेदवार उठाएर जिताएको भन्दै एमालेको ओली पक्षले नेपाल पक्ष ११ नेतालाई पार्टीको साधारण सदस्यसमेत नरहने गरी कारबाही गरेको छ।