काठमाडौं– पराराष्ट्रमन्त्री प्रदीप ज्ञवालीले चीनले अनुदानस्वरुप उपलब्ध गराउने १० लाख डोज भेरोसेल खोपमध्ये २ लाख डोज दुई दिनभित्रै नेपाल आइपुग्ने जनाएका छन्।
स्वास्थ्य पत्रकार मञ्च नेपालले आयोजना गरेको अन्तरक्रिया कार्यक्रममा ज्ञवालीले बाँकी आठ लाख डोज मे अन्तिम वा जुन १ तारिखसम्ममा आउने जानकारी दिए।
दुई लाख डोज तिब्बतबाट आइतबार नेपाल भित्रनेछ। जेठ १२ गते राष्ट्रपति विद्यादेवी भण्डारी र चिनियाँ समकक्षी सी चिजफिङबीच भएको टेलिफोन संवादपछि चीनले नेपाललाई १० लाख डोज कोभिड खोप अनुदानमा उपलब्ध गराउने घोषणा गरेको थियो।