देशभरको मौसम सक्रिय, उच्च पहाडि तथा हिमाली क्षेत्रमा हिमपातको सम्भावना

काठमाडौं - तीन दिन यता देशभर मौसम सक्रिय रहेको छ। यास् चक्रावत देशमा पश्चिमउत्तर-पश्चिम सर्ने क्रममा कमजोर भइ बनेको न्यून चापिए क्षेत्रको प्रभावका कारण देशका अधिकांश स्थानमा वर्षा भइरहेको छ।

हाल देशभर सामान्यदेखि पूर्ण बदलि रहि धेरै स्थानमा मेघगर्जनसहित हल्कादेखि मध्यम वर्षा भइरहेको मौसम पूर्वानुमान महाशाखाले जनाएको छ।

महाशाखाका अनुसार आज दिनभर देशभर सामान्यदेखि पूर्ण बदलि रहि धेरै स्थानमा मेघगर्जनसहित हल्कादेखि मध्यम वर्षाको सम्भावना रहेको छ। प्रदेश १, प्रदेश २, बाग्मती, गण्डकी र लुम्बिनी प्रदेशका केही स्थानहरूमा भारी वर्षा र उच्च बेगको हावाहुरिको सम्भावना रहेको छ। 

उच्च हिमाली/पहाडी भूभागका धेरै स्थानमा हल्कादेखि मध्यम हिमपात र गण्डकी प्रदेशका केही स्थानहरूमा बागमती प्रदेश, प्रदेश १ तथा सुदूरपश्चिम प्रदेशका उच्च हिमाली/पहाडी भूभागका केही स्थानमा भारी हिमपातको सम्भावना रहेको छ।