काठमाडौं- भारतले नेपालमा विकसित पछिल्लो राजनीतिक घटनाक्रमलाई आन्तरिक मामिला भएको टिप्पणी गरेको छ। भारतीय विदेश मन्त्रालयले बुधबार जारी गरेको प्रेस नोटमा प्रवक्ता अरिन्दम बाग्चीले नेपालमा विकसित पछिल्ला राजनीतिक घटनाक्रम आन्तरिक मामिला भएको प्रतिक्रिया दिइएको छ।
'यस (नेपालमा विकसित पछिल्ला राजनीतिक घटनाक्रम)लाई हामीले उसको आन्तरिक मामिलाका रूपमा लिएका छौँ। यसलाई उसले आफ्नै प्रयासमा प्रजातान्त्रिक प्रक्रियाबाट समाधान निकाल्नेछ,' प्रवक्ता बाग्चीको प्रेस नोटमा उल्लेख छ। नेपालमा विकसित पछिल्ला घटनाक्रमलाई भारतले 'नोट' गरेको समेत उनले उल्लेख गरेका छन्।
छिमेकी र मित्रराष्ट्र भएकाले नेपालसँगको सम्बन्धमा उतारचढाव नआउने र नेपालको प्रगति, शान्ति, स्थायित्व र विकासका लागि भारतको सहयोग जारी रहने प्रवक्ता बाग्चीको प्रेस नोटमा उल्लेख छ।
Our response to media queries on recent political developments in Nepal:https://t.co/lLpkm2uXzwpic.twitter.com/OVlUbqb8U6
— Arindam Bagchi (@MEAIndia) May 26, 2021