मुस्ताङ र कैलालीमा सवारी दुर्घटना हुँदा दुई जनाको मृत्यु

काठमाडौं- मुस्ताङ र कैलालीमा सवारी दुर्घटनामा परी दुई जनाको मृत्यु भएको छ। मुस्ताङ, बारागुङ मुक्तिक्षेत्र गाउँपालिका-३ घ्याकरमा ग.१ त ४८३९ नम्बरको ट्याक्टर सोमबार दिउँसो दुर्घटना परेका ट्याक्टरका सहचालक धादिङका २३ वर्षीय मैते तामाङको मृत्यु भएको हो।

दुर्घटनामा गम्भीर घाइते भएका उनको मेट्रोसिटी अस्पताल पोखरामा उपचारको क्रममा मृत्यु भएको हो। दुर्घटनामा घाइते भएका ट्याक्टर चालकको जिल्ला अस्पतालमा उपचार भइरहेको प्रहरीले जानकारी दिएको छ।

उता कैलाली, धनगढी उपमहानगरपालिका-१८ एफ गाँउस्थित सडकमा सु.प.प्र.०१-००८ प ४०६४ नम्बरको मोटरसाइकलबाट लडेर ५० वर्षीया रामजानकी चौधरीको सोमबार दिउँसो मृत्यु भएको छ।

लडेर गम्भीर घाइते भएकी उनको मायामेट्रो अस्पताल धनगढीमा उपचारको क्रममा मृत्यु भएको हो। 

दुर्घटनाका सम्बन्धमा प्रहरीले आवश्यक अनुसन्धान गरिरहेको बताएको छ।