कांग्रेस प्रवक्ता शर्माको परिवार कोरोना संक्रमणमुक्त

काठमाडौं - नेपाली कांग्रेसका प्रवक्ता विश्वप्रकाश शर्माको परिवार कोरोना संक्रमणमुक्त भएको छ।

उनले सामाजिक सञ्जालमार्फत् कोरोनामाथि विजय प्राप्त गरेको बताएका छन्।

'कोरोनामाथि विजय हासिल गर्न सफल भएका छौं हामी! शारीरिक कमजोरी केही समय रहला। तर, अब संक्रमणमुक्त बनेका छौं। सबै मित्रको शुभेच्छा र चिकित्सकहरूको मार्ग निर्देशनप्रति हृदयले आभारी छौं,' उनले लेखेका छन्।

यस्तै उनले कोरोनाबाट सजगताका साथ जोगिन सबैलाई अपिल गर्दै संक्रमितहरूलाई उच्च मनोबल राख्न आग्रह गरेका छन्।