काठमाडौं - विपक्षी गठबन्धनले रिट निवेदन दर्ताका लागि सांसद्हरूको हस्ताक्षर र औँठा छाप संकलन गरिरहेको छ।
हस्ताक्षर र औँठा छाप संकलन सकिएलगत्तै सर्वोच्च अदालत जाने तयारी छ।
विपक्षी गठबन्धनले १४९ जना सांसदहरूको हस्ताक्षरसहित आज सर्वोच्च जाने भएका हुन्। दलहरूले प्रतिनिधिसभा विघटन असंवैधानिक भएको भन्दै बहुमत हस्ताक्षरसहित प्रधानमन्त्रीमा प्रस्ताव गरिएका शेरबहादुर देउवालाई नियुक्तिका लागि परमादेश माग गर्दै रिट दिन लागेका हुन्।
यसअघि आइतबारसम्म कानुन व्यवसायीले २५ वटा रिट अदालतमा पेस गरिसकेका छन्। आज दलहरूको समेत रिट निवेदन परेपछि त्यसको अध्ययन गरेर सर्वोच्च प्रशासनले दर्ता गर्ने तयारी गरेको छ।