विराटनगर - काेराेना संक्रमणबाट मोरङमा थप सात जनाको मृत्यु भएको छ।
विराटनगरको नोबेल शिक्षण अस्पतालमा तीन, बूढीगंगा गाउँपालिकास्थित विराट शिक्षण अस्पतालमा दुई, कोशी अस्पताल कोभिड-१९ उपचार केन्द्र र हाेम आइसाेलेसनमा १-१ जनाको मृत्यु भएको हाे।
विराट शिक्षण अस्पतालमा विराटनगर-४ की ५४ वर्षीया महिलाको मृत्यु भएकाे कोभिड अस्पताल इन्चार्ज सुनील देवले बताए। महिलाको उपचारका क्रममा बिहान ६ बजेतिर मृत्यु भएको हो।
विराटनगर-३ का ८० वर्षीय पुरुषको पनि विराटमै राति १ः५० बजेतिर मृत्यु भएकाे देवले बताए ।
नोबेल अस्पतालमा मोरङको उर्लाबारी नगरपालिका–९ की ५८ वर्षीया महिलाको मृत्यु भएको छ। उपचारका क्रममा उनको मृत्यु साेमबार बिहान ९ः४० बजेतिर भएको अस्पतालका प्रबन्धक नारायण दाहालले जानकारी दिए।
सङ्खुवासभाको खाँदबारी नगरपालिका-२ की ४५ वर्षीया महिलाको बिहान ४ बजेतिर मृत्यु भएको दाहालले जानकारी दिए।
धनुषाको मिथिला नगरपालिका-११ घर भई विराटनगर-४ मा बस्दै आएका ७२ वर्षीय पुरुषको पनि कोरोनाका कारण नाेबेल अस्पतालमा मृत्यु भएको दाहालले बताए। उनको मृत्यु बिहान ४ः१५ बजेतिर भएको हो।
कोशी कोभिडमा सुनसरीको धरान उपमहानगरपालिका-१७ का ६० वर्षीय पुरूषकाे मृत्यु भएको अस्पतालका सूचना अधिकारी अनुपम राजवंशीले जानकारी दिए। उनको बिहानका राति १२ः२० बजेतिर मृत्यु भएको राजवंशीले बताए।
सुन्दरहरैँचा नगरपालिका-६ की ६५ वर्षीया महिलाको बिहान ६ः३० बजेतिर होम आइसोलेसनमा मृत्यु भएको छ। परीक्षण गराउँदा जेठ ५ गते कोरोना पुष्टि भएपछि उनी घरमै होम आइसोलेसनमा बस्दै आएकाे नगर प्रमुख शिव ढकालले बताए।