काठमाडौं– प्रधानमन्त्री केपी शर्मा ओलीले कोरोना महामारीको युद्धमा लड्न सबैलाई आग्रह गरेका छन्।
उनले आइतबार बालुवाटारमा पत्रकारसँग भने, ‘हाम्रो सम्पूर्ण राष्ट्रिय सामर्थ्य, सरकार, दल, नागरिक समाज सबै कोभिड १९ विरुद्धको लडाइँमा केन्द्रित गरौं।’
उनले राजनीतिक झमेला, चरित्र हत्या, गालीगलोज, अपशब्द जस्ता कुरालाई सामाजिक संस्कार बनाउने प्रयास देश र सभ्यताका निम्ति चुनौतीपूर्ण रहेको बताए।