माधव-झलनाथ पक्षका विद्यार्थीद्वारा नयाँ दल दर्ताका लागि आयोगमा निवेदन

काठमाडौं - नेकपा एमालेको असन्तुष्ट समूहको नेतृत्व गरिरहेका माधव-झलनाथ पक्षका विद्यार्थी नेता जीवन राईले नयाँ दल दर्ताका लागि निर्वाचन आयोगमा निवेदन दिएका छन्।

उनले केही समयअघि नयाँ दल दर्ताका लागि निवेदन दिएका हुन्। पार्टीको नाम ‘नेकपा एकीकृत’ र चुनाव चिन्ह ‘कलम’ प्रस्ताव गर्दै निवेदन दिएका हुन्। 

पार्टीको उपाध्यक्षमा कल्पना गुरूङ र महासचिवमा विनोदकुमार खुलाल छन्। त्यस्तै सचिवमा ऐन विक्रम कुँवर र कोषाध्यक्षमा सुशील खनाल छन्। 

आयोग उच्च स्रोतले पनि नयाँ दल दर्ताका लागि राईले केन्द्रीय समिति सहित निवेदन दिएको पुष्टि गरेको छ।