काठमाडौं – एमालेका वरिष्ठ नेता झलनाथ खनालले राष्ट्रपति र प्रधानमन्त्रीको कदम कदापि क्षम्य नहुने बताएका छन्।
उनले राष्ट्रपति र प्रधानमन्त्रीबाट राज्यलाई असफल पारेर राष्ट्रिय स्वाधीनता र संघीय लोकतान्त्रिक गणतन्त्र समाप्त पार्ने खालको षड्यन्त्र भएको पनि आरोप लगाएका छन्।
‘यो संविधान विरोधी, प्रतिगामी तानाशाही कदम हो, यस कदमको म घोर भर्त्सना गर्दछु,’ उनले भनेका छन्, ‘प्रतिवादका लागि सबै देशभक्त, संघीय लोकतान्त्रिक गणतन्त्र पक्षधरहरूलाई एकजुट हुन आह्वान गर्दछु।’