वडा कार्यालयमा चोरी, स्वास्थ्य भवनमा आगजनी प्रयास

धनगढी- कैलालीको कैलारी गाउँपालिका वडा नम्बर ४ को वडा कार्यालयमा चोरी भएको छ भने स्वास्थ्यको भवनमा आगजनीको प्रयास भएको छ ।

गए राती वडा कार्यालयको ताला तोडेर एलसीडीसहित चार हजार रुपैयाँ र मोटर चोरी भएको हो। वडा कार्यालयमा सिसि क्यामेरा जडान गरेको भए पनि चोरले कम्युटरको हार्डडिस्कमा क्षती पुर्याएर फालेको अवस्थामा भेटिएपनि सो मा भएको फुटेज हेर्न नसकिएको गाउँपालिका अध्यक्ष लाजुराम चौधरीले बताए । 

'हार्डडिस्क खेले चोर पत्ता लाग्न सक्छ,' अध्यक्ष लाजुराम चौधरीले भने, ‘पहिले र अहिलेको चोरीको घटनाको प्रकृति एउटै पहिले चोरी गर्नेले नै अहिले पनि चोरी गरेको हुनुपर्छ। वडा कार्यालय घेरवार गरिएको छैन, जड्याहा वा लागुऔषध प्रयोग कर्ताबाट चोरी भएको हुनुपर्छ ।’

चौधरीले वडाको स्वास्थ्य कार्यालयमा आगजनीको प्रयास भएको बताए। स्वास्थ्य कार्यालयको भवनको ताला तोडेर ढोकामा पराल लगाइएको छ उनले भने, घटनामा संलग्नलाई पक्राउँ गर्न प्रहरीले अनुसन्धान गरिरहको छ ।

जिल्लामा कोरोना संक्रमणको दर उच्च भएकाले बैशाख १६ गतेदेखि स्थानीय प्रशासनले निषेध आदेश जारी गरेको छ।