काठमाडौं- नेपाली कांग्रेसका युवा नेता तथा सांसद गगन थापाले १५३ जना सांसदको समर्थन भएको भए सरकारले संविधानको धारा ७६ (३) अन्तर्गत विश्वासको मत लिने वैधानिक बाटो किन छोडेको भनेर प्रधानमन्त्री केपी ओलीलाई प्रश्न गरेका छन्।
'प्रमले नै म विश्वासको मत लिन सक्दिन र पहिलाभन्दा तात्त्विक फरक छैन भनेर ७६ (५) को सरकार गठनको ढोका खोल्ने, राष्ट्रपतिले विश्वासको मत प्राप्त गर्ने आधार नदेखिएको भन्दै आह्वान गर्ने। अब फेरि जालझेल!
यो प्रष्ट हुँदाहुँदै आज प्रमले बहुमतको समर्थन छ भन्दै दाबी गर्नु असङ्गत मात्र होइन, अवैधानिक र अनैतिक छ। राष्ट्रपतिज्यू, तपाईंमा ओलीको जालझेल र अपराधमा साथ दिँदा लागेको दागै दाग छ। महामहिमलाई परिस्थितिले अन्तिम पटक सुध्रिने मौका दिएको छ। नभए भिरबाट खस्ने लाई राम राम,' थापाले ट्विट गरेका छन्।