काठमाडौं– नेकपा एमालेमा असन्तुष्ट पक्षको नेतृत्व गरिरहेका वरिष्ठ नेता माधवकुमार नेपाल नेपाली कांग्रेसले बोलाएको सर्वदलीय बैठकमा केहीबेर बसेर निस्किएका छन्।
देउवा निवास बूढानीलकण्ठमा बसेको बैठकबाट निस्केर उन सिंहदरबार पुगेका छन्। त्यहाँ उनले आफ्नो पक्षका सांसदहरुसँग छलफल गरिरहेका छन्। आगामी रणनीति तय गर्न उनीहरू सिंहदरबारस्थित संसद् सचिवालयको सार्वजनिक लेखा समितिको हलमा भेला भएका छन्।
बूढानीलकण्ठबाट निस्कने क्रममा उनले सञ्चारकर्मीलाई कुनै प्रतिक्रिया दिन मानेनन्। अन्य पार्टीका नेताहरु भने छलफलमा नै छन्।