जनकपुरधाम– प्रदेश सरकारले कोरोना संक्रमितको उपचारका लागि कुनै पहल नगरेको भन्दै नेपाल विद्यार्थी संघले विरोध प्रदर्शन गरेको छ। नेवि संघका कार्यकर्ताले कोरोना संक्रमितको निःशुल्क उपचार गर्न माग गर्दै मुख्यमन्त्री कार्यालय अगाडि प्रदर्शन गरेका हुन्।
उपचार अभावमा कोरोनाबाट मृत्यु हुनेको संख्या बढिरहेकोे र संक्रमितको उपचारमा अक्सिजन अभाव रहेको भन्दै सरकारको विरोध गर्नुपरेको विद्यार्थी सोनु निधिले बताए।
प्रदर्शनमा सहभागीले मुख्यमन्त्री लालबाबु राउत, सामाजिक विकास मन्त्री नवलकिशोर साह र प्रादेशिक अस्पतालका मेडिकल सुपरिटेन्डेन्ट प्रमोद यादवको विरोधमा नाराबाजीसमेत गरेका थिए। सरकारलाई घच्घच्याउन बाध्य भएर प्रदर्शनमा उत्रिएको नेविसंघका केन्द्रीय सदस्य कपिलदेव यादवले बताए।