काठमाडौं– कोरोना संक्रमितको संख्या बढेसँगै नेपालमा आईसीयू तथा भेन्टिलेटरमा भर्ना भएका बिरामीको संख्या पनि बढ्दै गएको छ। स्वास्थ्य तथा जनसंख्या मन्त्रालयको तथ्यांकअनुसार झण्डै २ हजार कोरोना संक्रमित गम्भीर अवस्थामा उपचाररत छन्।
मंगलबार १ हजार ५९० आईसीयू र ३९० जना भेन्टिलेटरमा गरी १ हजार ९८० जना बिरामी उपचाररत छन्। तीमध्ये सबैभन्दा धेरै बागमती प्रदेशमा छन्। बागमती प्रदेशमा ७९१ आईसीयुमा र २४४ जना भेन्टिलेटरमा छन्।
मन्त्रालयको तथ्यांकअनुसार प्रदेश १ मा १९४ आईसीयूमा र ४३ भेन्टिलेटरमा, प्रदेश २ मा २२५ आईसीयूमा र ४६ जना भेन्टिलेटरमा छन्।
गण्डकी प्रदेशमा ११३ जना आईसीयूमा र २४ जना भेन्टिलेटरमा, लुम्बिनी प्रदेशमा १४४ जना आईसीयूमा र १६ जना भेन्टिलेटरमा, कर्णालीमा ८२ जना आईसीयूमा र ७ जना भेन्टिलेटरमा तथा सुदूरपश्चिम प्रदेशमा ४१ जना आईसीयूमा र १० जना भेन्टिलेटरमा रहेको मन्त्रालयले जनाएको छ।