न्यूयोर्क - अमेरिकाले आठ करोड डोज भ्याक्सिन विभिन्न देशमा पठाउने भएको छ।
राष्ट्रपति जो बाइडेनले सोमबार ट्विट गर्दै आठ करोड डोज कोभिडविरुद्धको भ्याक्सिन विभिन्न देश पठाउने तयारी गरिएको जानकारी दिएका हुन्।
'विश्वभर महामारी नियन्त्रण नभएसम्म अमेरिका पूर्ण रूपमा सुरक्षित हुँदैन,' राष्ट्रपति बाइडेनको ट्विटमा लेखिएको छ, 'त्यसैले आगामी ६ हप्ताभित्रमा हामीले विभिन्न देशमा आठ करोड डोज भ्याक्सिन पठाउने घोषणा गर्दैछु।'
भ्याक्सिन उत्पादक कम्पनीले भ्याक्सिन निर्माणपछि लगत्तै विभिन्न देशबाट अर्डर लिएका थिए। त्यसबेला अमेरिकाले ठूलो परिणाममा भ्याक्सिन अर्डर गरी आफ्नो देशमा लगेको थियो।
अमेरिकी नागरिकलाई लगाएर बढी हुने भ्याक्सिन विभिन्न देशमा पठाउन लागिएको हो। यद्यपि बाइडेनले कुन देशका कति भ्याक्सिन पठाउन लागिएको भन्ने चाहिँ खुलाएका छैनन्।
पर्याप्त स्टोर गरेर पनि अभाव भएका देशमा अमेरिकाले भ्याक्सिन पठाउन ढिलाइ गरेको भन्दै विश्व समुदायले आलोचना गर्न थालेको थियो।
America will never be fully safe while this pandemic is raging globally. That’s why today, I’m announcing that over the next six weeks we will send 80 million vaccine doses overseas.
— President Biden (@POTUS) May 17, 2021
It is the right thing to do. It is the smart thing to do. It is the strong thing to do.