काठमाडौं- नेपाली कांग्रेसका उपसभापति विमलेन्द्र निधि र नेपालका लागि युरोपियन युनियन (ईयू)का राजदूत नोना डिप्रेबीच भेटघाट भएको छ।
उपसभापति विमलेन्द्र निधिको निवास नयाँ बानेश्वरमा बिहान भएको करिब एक घण्टा लामो भेटमा राजदूत डिप्रेले नेपालमा कोरोना महामारी नियन्त्रणमा ईयूका तर्फबाट सहयोग गर्न पहल गर्ने बताएकी छन्।
भेटमा राजदूत डिप्रेले प्रदेश २, कर्णाली र सुदूरपश्चिम प्रदेशमा विभिन्न क्षेत्रको विकासमा आफूहरुले सहयोग गर्ने उल्लेख गरेकी थिइन्। उनले वैकल्पिक ऊर्जा, जलवायु परिवर्तन, लैंगिक समानतालगायतका क्षेत्रमा इयूले सहयोग गर्न चाहेको सहयोगबारे पनि उपसभापति निधिसँग कुरा गरेकी छन्।
सो भेटमा उपसभापति निधिले नेपालको विकासमा इयूले सहयोगका लागि राखेको रुचिका लागि धन्यवाद व्यक्त गरेका थिए।