मन्त्रिपरिषद् बैठक पाँच बजे

काठमाडौं– मन्त्रिपरिषद्को नियमित बैठक साँझ ५ बजे बस्दै छ। बैठक नियमित भए पनि केही महत्त्वपूर्ण निर्णय हुन सक्ने एक मन्त्रीले जानकारी दिए। 

सरकारले कोरोना महामारीको रोकथाम, नियन्त्रण र उपचार भइरहेको प्रयास लगायत स्वास्थ्य सामग्री, औषधी, खोप लगायत खरिदमा देखिएको कानुनी समस्या समाधान गर्न अध्यादेश ल्याउने सम्भाना रहेको ती मन्त्रीले बताए। 

प्रधानमन्त्री केपी शर्मा ओलीले केही दिनअघि जनस्वास्थ्य विज्ञ र निजी क्षेत्रका प्रतिनिधिहरुसँग छलफल गरेका थिए। छलफलमा आएका सुझावलाईसमेत ध्यानमा राखेर मन्त्रिपरिषद् बैठकले केही निर्णय गर्न सक्ने बुझिएको छ।