३० देखि ३९ उमेर समूहका २ हजार ६१ जना संक्रमित

काठमाडौं– पछिल्लो २४ घण्टामा कोरोना संक्रमण हुनेमध्ये सबैभन्दा धेरै ३० देखि ३९ वर्ष उमेर समूहका छन्।  

स्वास्थ्य तथा जनसंख्या मन्त्रालयकाअनुसार पछिल्लो २४ घण्टामा देशभर ८ हजार ९६० जनामा कोरोना संक्रमण भएको छ। तीमध्ये ३० देखि ३९ वर्ष उमेर समूहका २ हजार ६१ जना छन्। 

यस्तै २० देखि २९ वर्षसम्मका १ हजार ९४९ जना संक्रमित भएका छन्। ९ वर्षसम्मका बालबालिका २०८ जना छन्। १० देखि १९ वर्षसम्मका ६२५ जना र ४० देखि ४९ वर्ष उमेर समूहका १ हजार ६०० जना संक्रमित थपिएका छन्। 

मन्त्रालयका अनुसार ५० देखि ५९ उमेर समूहमा १ हजार २०७ जना, ६० देखि ६९ उमेर समूहमा ७०३ जना, ७० देखि ७९ वर्ष उमेरका ३१९ जना संक्रमित थपिएका छन्। 

यस्तै ८० देखि ८९ वर्ष उमेर समूहमा ९७ जना र ९० देखि १०० वर्ष उमेर समूहका १९ जनामा संक्रमण भएको छ। ५४ जनाको भने उमेर खुलेको छैन।