काठमाडौं उपत्यकामा ४१ हजार ९१८ सक्रिय संक्रमित

पछिल्लो २४ घण्टामा काठमाडौं उपत्यकामा ३ हजार ९२४ जनामा कोरोना संक्रमण पुष्टि भएको छ। स्वास्थ्य तथा जनसंख्या मन्त्रालयका अनुसार काठमाडौंका ३ हजार २५०, भक्तपुरका २२६ र ललितपुरका ४४८ जना संक्रमित भेटिएका हुन्। 

योसँगै काठमाडौंमा ३० हजार ५८८ सक्रिय संक्रमित छन् भने भक्तपुरमा ४ हजार ६१४ र ललितपुरमा ६ हजार ७१६ संक्रमित सक्रिय छन्। उपत्यकामा ४१ हजारभन्दा धेरै सक्रिय संक्रमित छन्।

त्यस्तै काठमाडौं उपत्यकामा हालसम्म १ हजार ४१३ जना संक्रमितको मृत्यु भएको छ। जसमध्ये काठमाडौंमा ९६० जना, भक्तपुरमा १९३ जना र ललितपुरमा २६० जना संक्रमितको मृत्यु भएको मन्त्रालयको तथ्यांक छ।