कोरोनासँग लड्न युवाहरूको ‘सँगसँगै’ अभियान

कोभिड–१९ सँग लड्न कञ्चनपुरका युवाहरूले ‘सँगसँगै’ अभियान चलाएका छन्।

नेपाल समय | सोमबार, वैशाख २७, २०७८

नेपाल समय

सोमबार, वैशाख २७, २०७८

कोरोनासँग लड्न युवाहरूको ‘सँगसँगै’ अभियान

धनगढी - कोभिड–१९ सँग लड्न कञ्चनपुरका युवाहरूले ‘सँगसँगै’ अभियान चलाएका छन्। बढ्दो कोरोना महामारीको जोखिम व्यवस्थापनका लागि युवाहरूले स्वस्फूर्त रुपमा ‘सँगसँगै’ अभियान चलाएका हुन्।

अभियानकी संयोजक लक्ष्मी श्रेष्ठले स्थानीय तहमा नै कोरोना संक्रमितलाई उचित उपचार दिने व्यवस्थापन गर्न अभियान चलाइएको बताइन्।

जिल्लास्तरका अस्पतालमा मात्र भर पर्नुभन्दा स्थानीय तहमै स्वास्थ्य संस्थामा अक्सिजनको व्यवस्था, स्वास्थ्य सामाग्री, स्वस्थ्यकर्मी, एम्बुलेन्स सेवाको व्यवस्थापनका लागि अभियान सुरु गरेको संयोजक श्रेष्ठले बताइन्।

उनले अभियानअन्तर्ग अक्सिजन, स्वास्थ्य सामग्री, प्लाज्मा दाताहरूको खोजी, प्लाज्माको आवश्यकता परेका व्यक्तिलाई उपलब्धता, राहत सामग्री दाताको खोजी र वितरण गर्ने श्रेष्ठले बताइन्।

पहिलो चरणमा कञ्चनपुरको बेलौरी नगरपालिकाबाट सुरु गरिएको अभियान बढाउँदै पुर्नवास नगरपालिका, बेलडाँडी गाउँपालिका र लालझाडी गाउँपालिकासम्म लैजाने योजना रहेको उनले बताइन्।