काठमाडौं- प्रधानमन्त्री केपी शर्मा ओलीको पीसीआर परीक्षणका लागि स्वाब संकलन गरिएको छ। यही वैशाख २७ गतेका लागि डाकिएको प्रतिनिधिसभा बैठकलाई लक्षित गरी प्रधानमन्त्रीको कोरोना परीक्षण गर्न लागिएको हो।
प्रधानमन्त्रीसँगै उनको स्वकीय र निजी सचिवालयका कर्मचारी, सुरक्षा निकाय र चालकहरूसहित एक सयभन्दा बढीको स्वाब संकलन गरिएको छ।
यसअघि सांसदहरु, संसद् सचिवालयका कर्मचारी तथा संसदीय रिपोर्टिङ गर्ने पत्रकारहरुको पीसीआर गरिएको थियो। चारजना सांसद र केही कर्मचारीको रिपोर्ट पोजेटिभ आएको बताइएको छ।