रूपन्देहीमा कोरोना : १२ घन्टामा १२ जनाकै मृत्यु 

बुुटवल– कोरोना संक्रमणको हटस्पट बनेको रुपन्देहीमा १२ घन्टाको अन्तरमा १२ जना नै संक्रमितको मृत्यु भएको छ। बुटवलस्थित कोरोना विशेष अस्पतालमा ६ र भैरहवास्थित युनिभर्सल मेडिकल कलेजमा ६ जनाको मृत्यु भएको हो। 

लुम्बिनी प्रादेशिक अस्पतालका सूूचना अधिकारी डा. विष्णु गौतमका अनुसार कोरोना विशेष अस्पतालमा उपचाररत ६ पुरुषको मृत्यु भएको छ। भैरहवास्थित युनिसर्भसल मेडिकल कलेज भैरहवामा पनि ३ जना पुरुष र ३ जना महिलाको मृत्यु भएको मेडिकल कलेजका सूूचना अधिकारी सुशिल गुरुङले जानकारी दिए।

योसँगै रुपन्देहीमा कोरोनाबाट मृत्यु हुनेको संख्या ११७ पुुगेको छ। रुपन्देहीमा सोमबारसम्म ३ हजार ३ जना सक्रिय संक्रमित रहेको स्वास्थ्य कार्यालयले जनाएको छ।