बुटवल - काेराेना संक्रमणबाट पाल्पामा थप दुईजनाकाे मृत्यु भएको छ। पछिल्लाे २४ घन्टामा रम्भा गाउँपालिका-३, पिपलडाँडाका ७८ वर्षीय पुरुष र रामपुर नगरपालिका-१० गेझाका ५७ वर्षीय पुरुषको मृत्यु भएको हाे।
मृतक दुवैजना पुरुषकाे मिसन अस्पताल पाल्पामा उपचाररत दुवै पुरुषको परीक्षणका क्रममा कोरोना संक्रमण पुष्टि भएको थियो। मृतक रम्भाका ७८ वर्षीय पुरुषमा मुटुसम्बन्धी समस्या रहेको स्वास्थ्य कार्यालयका सूचना अधिकारी ओमप्रकाश पन्थीले बताए।
७८ वर्षीय पुरुषको उपचारको क्रममा मृत्यु भएको हो भने अर्का पुरुषलाई मिसन अस्पतालले उपचारपछि घरमा पठाएको थियो।
पाल्पामा ४३६ जना काेराेनाका सक्रिय संक्रमित छन्। पाल्पामा कोरोना संक्रमणबाट मृत्यु हुनेको संख्या ४२ पुगेको छ।