काठमाडौं – जारी इन्डियन प्रिमियर लिग (आईपीएल) अन्तर्गत शनिबार रातिको खेलमा मुम्बाई इन्डियन्सले चार विकेटको जित निकालेको छ।
टस जितेर ब्याटिङको निम्तो पाएको चेन्नईले पुरा ओभर खेल्दै चार विकेटको क्षतिमा २१८ रन बनाएको थियो। २१९ रनको विशाल लक्ष्यका साथ मैदानमा पसेको मुम्बईले पुरा ओभरमा विकेट गुमाएर लक्ष्य पुरा गर्दै जित निकालेको हो।
चेन्नईको ब्याटिङमा रितुराज गायक्वड चार रनमै बाहिरिए पनि अन्य खेलाडीले बिस्फोटक ब्याटिङ गरेका थिए। जहाँ, फाफ डू प्लेसिसले ५० रन बनाए भने मोइन अलिले ५८ रन बनाए। त्यस्तै अम्बाती रायडूले ७२ रन बनाए भने रविन्द्र जाडेजाले २२ रन जोडेका थिए।
यता मुम्बईका लागि किइरोन पोलार्डले दुई विकेट लिए भने ट्रेन्ट बोल्ड, जस्प्रित बुमराहले समान १–१ विकेट गिराए।
जवाफी ब्याटिङमा क्विन्टन डिककले ३८ रन बनाए भने रोहित शर्माले ३५ रन बनाए। त्यस्तै, क्रुणल पाण्डेयले ३२, हार्दिक पाण्डेयले १६ रन बनाउँदा किइरोन पोलार्डले अविजित ८७ रन बनाए।
चेन्नईका लागि साम कुरनले तीन विकेट लिए भने श्रद्र्धुल ठाकुर, रविन्द्र जाडेजा र मोइन अलीले समान १–१ विकेट गिराए।
संघर्षपूर्ण जितसँगै मुम्बईले जारी सिजनको सात खेलबाट ८ अंक बनाएको छ। पराजित चेन्नईले सात खेलबाट १० अंक जोडेको छ।