काठमाडौं– राष्ट्रिय मानव अधिकार आयोगले ‘स्वर्गीय दयाराम परियार स्मृति मानव अधिकार सम्मान’ यस वर्ष फरेन्सिक विज्ञ डा. हरिहर वस्तीलाई प्रदान गर्ने निर्णय गरेको छ।
आयोगको सोमबार बसेको बैठकले मानव अधिकारका दर्जनौं अनुसन्धान कार्यमा महत्त्वपूर्ण योगदान पुर्याएबापत वस्तीलाई सम्मान गर्ने निर्णय गरेको हो।
वस्तीले त्रिभुवन विश्वविद्यालय शिक्षण अस्पताल महाराजगन्जमा लामो समय फरेन्सिक विज्ञका रुपमा रही मानवअधिकार संरक्षणमा योगदान पुर्याउँदै आएका छन्।