गुगल म्यापमा पूर्ण विश्वस्त गर्दा धोका पनि हुने रहेछ। गुगल म्यापको भरोसा पर्दा इन्डोनेसियामा एक दुलाहालाई यस्तै भएकाे छ।
उनले दुलहीको घर जान गुगल म्यापको सहारा लिएका थिए। तर, जन्ती दुलहीकाे घरमा नपुगी अन्तै पुगेको थियो। रोचक कुरा के भने उनीहरु पुगेकाे घरमा पनि बिहे थियो। दुलही पक्ष दुलाहाको प्रतीक्षामा रहेछ।
इन्डोनेसियाका सञ्चारमाध्यमका अनुसार दुलाहालाई सेन्ट्रल जालाको लोसारी गाउँ पुग्नु थियो। गुगल म्यापमा हेर्दै गइरहेका जन्ती जेंगकोल पुगेको थियो।
उनीहरुकाे पुगेकाे घरमा मारिया अल्फा र बुरहान सिद्दीकीको बिहे हुनेवाला थियो। दुलाहा भने पुगिसकेका थिएनन्।
२७ वर्षीया दुालाहा मारियाका अनुसार उनको परिवारले अतिथिको स्वागत गरेका थिए। नास्ता-पानी खाइसकेपछि दुलाहा-दुलही मिलन कार्यक्रमकाे तयारी थालिएको थियो। सोही समयमा परिवारका एक सदस्यले गडबडी पत्ता लगाए।
जन्तीसहित पुगेका दुलाहा पक्षले उक्त परिवारसँग माफी माग्याे। गुगल म्याप हेर्दै आउँदा आफूहरु गलत ठाउँमा आएकाे बताएका थिए। त्यसपछि जन्ती लिएर उनीहरू दुलहीकाे गाउँमा पुगेका थिए।
दुलही मारियाको परिवारले सही दुलाहा बुरहान सिद्दिकीका परिवारलाई सम्पर्क गरेका थिए। उनीहरू बाटोमा केही बेर रोकेकाले दुलहीको घर पुग्न ढिला भएको पत्ता लागेको थियो। त्यही समयमा गलत दुलाहा पुगेका थिए।
अमर उजालाबाट