काठमाडौं– ललितपुर मेयर कप महिला टी–२० क्रिकेट च्याम्पियनसिपअन्तर्गत जारी फाइनल खेलमा सुदूरपश्चिम प्रदेशले विभागीय टिम एपीएफलाई १०७ रनको लक्ष्य प्रस्तुत गरेको छ।
टस जितेर ब्याटिङ राजेको सुदूरपश्चिमले पूरा ओभर खेल्दै सात विकेटको क्षतिमा १०७ रन बनाएपछि एपीएफले १०७ रनको लक्ष्य पाएको हो।
सुदूरपश्चिमका लागि विन्दु रावलले सर्वाधिक ४३ रन बनाइन् भने डली भट्टले १४ रन बनाइन्। त्यस्तै रेवती धामी र कविता कुँवरले क्रमशः १० रन र १३ रन बनाइन्।
फाइनलमा सुनिता लोहार शून्य रनमा आउट हुँदा कविता जोशी तीन, ऋतु नौजिया चार, मञ्जु बोगटी तीन रनमा आउट भए। एक रन जोडेकी सम्झना खड्का अविजित रहिन्।
एपीएफका लागि रेखा रावल, करुणा भण्डारी, सुष्मा श्रेष्ठ, सीता राना मगर र विन्दू बोहराले समान १–१ विकेट लिए।