काठमाडौं- कलाकारहरूको फेसबुक आइडी ह्याक गरी रकम मागेको आरोपमा प्रहरीले १४ वर्षीय किशोरलाई पक्राउ गरेको छ। नेपाली चलचित्र क्षेत्रका कलाकारको सामाजिक सञ्जाल ह्याक गरी रकम मागेको आरोपमा उनी पक्राउ परेका हुन्।
आफ्नो सामभाजिक सञ्जाल ह्याक गरी रकम माग भएको भन्ने उजुरी साइबर ब्यूरोमा परेको थियो। उनी पर्साबाट पक्राउ परेका हुन्। १४ वर्षीय किशोर भएकाले प्रहरीले उनको परिचय गोप्य राखेको छ।
उनीमाथि विद्युतीय (इलेक्ट्रोनिक) कारोबार ऐन, २०६३ बमोजिमको कसुरमा कारबाही प्रक्रिया अघि बढाइने भएको छ। उनीमाथि थप अनुसन्धान भइरहेको प्रहरीले जानकारी दिएको छ।