काठमाडौं– नेपालमा पछिल्लो २४ घण्टामा २६० जनालाई कोरोना भाइरसको संक्रमण पुष्टि भएको छ।
स्वास्थ्य तथा जनसंख्या मन्त्रालयका अनुसार ४ हजार २४३ जनाको पीसीआर परीक्षण भएकोमा २६० जनालाई संक्रमण पुष्टि भएको हो।
केही दिनयता कोरोना संक्रमितको संख्या बढिरहेको छ। पछिल्लो २४ घण्टामा संक्रमणमुक्त हुनेको संख्या ११३ छ। हालसम्म २ लाख ७३ हजार ४५५ जना संक्रमित संक्रमणमुक्त भइसकेका छन्।
हाल सक्रिय संक्रमितको संख्या १ हजार ९७९ छ। हालसम्म ३ हजार ३६ जना संक्रमितको मृत्यु भएको छ।