मोटरसाइकल दुर्घटनामा एकको मृत्यु

धनगढी- पूर्वपश्चिम राजमार्गअन्तर्गत कैलालीको गौरीगंगा नगरपालिका वडा नम्बर ३ मा मोटरसाइकल दुर्घटना हुँदा एक जनाको मृत्यु भएको छ। दुर्घटनामा धनगढी उपमहानगरपालिका–१५ का ४१ वर्षीय लालबहादुर चौधरीको मृत्यु भएको हो। 

पश्चिमबाट पूर्वतर्फ गइरहेको मोटरसाइकल अनियन्त्रित भएर दुर्घटना हुँदा चौधरीको घटनास्थलमै मृत्यु भएको जिल्ला प्रहरी कार्यालय कैलालीका प्रवक्ता प्रहरी नायव उपरीक्षक प्रतीक बिष्टले बताए। 

‘दुर्घटना सोमबार राति नै भएको रहेछ’, प्रहरी नायव उपरीक्षक बिष्टले भने, ‘प्रहरीलाई आज मात्र जानकारी आएको हो।’ उनले घटनाबारे थप अनुसन्धान भइरहेको बताए।