नेपाल कम्युनिस्ट पार्टी माओवादी केन्द्रका अध्यक्ष पुष्पकमल दाहाल, नेकपा एमालेका वरिष्ठ नेता माधवकुमार नेपाल र झलनाथ खनालबीच गोप्य भेटवार्ता भएको छ।
शुक्रबार बिहानै उनीहरूबीच महादेवस्थानस्थित व्यवसायी टपेन्द्र तिमिल्सिनाको निवासमा भेटवार्ता भएको हो। उनीहरूसँगै व्यवसायी तिमिल्सिना पनि सहभागी रहेको बताइएको छ।
बिहान ८:३० देखि ९:४० सम्म चलेको छलफलमा के कुरा भयो भन्नेबारे खुलेको छैन।
तर, आज माओवादी केन्द्र नेकपा बिउँताउन माग गर्दै सर्वोच्च जाने तयारीमा रहेको बेला गोप्य भेट भएको हो। हिजो पनि दाहाल र नेपालबीच गोप्य भेट भएको थियो।