विराटनगर- प्रदेश १ मा बुधबार १३ जनामा कोरोना संक्रमण पुष्टि भएको छ। मोरङमा १० र सुनसरीमा ३ जनामा संक्रमण देखिएको सामाजिक विकास मन्त्रालयले जनाएको छ।
मन्त्रालयका अनुसार मोरङको विराटनगरमा १०, सुनसरीको इनरुवामा २ र धरानमा १ पुरुषमा संक्रमण देखिएको हो। प्रदेश १ मा आइतबार संक्रमण शुन्य थियो। सोमबार २ र मंगलबार ५ जनामा संक्रमण देखिएको सामाजिक विकास मन्त्रालयले जनाएको छ।
प्रदेश १ का विभिन्न प्रयोगशालामा बुधबार ३२२ जनाको पीसीआर परीक्षण गर्दा ७ पुरुष र ६ महिलाको रिपोर्ट पाजेटिभ आएको हो। प्रदेश १ मा हालसम्म २ लाख २८ हजार ८६२ जनाको पीसीआर परीक्षण गर्दा ३० हजार ३०७ जनामा कोरोना संक्रमण देखिएको छ।
संक्रमण देखिएका मध्ये २९ हजार ७९७ जना डिस्चार्ज भएका छन्। ४४ जना आइसोलेसनमा रहेको सामाजिक विकास मन्त्रालयले जनाएको छ। संक्रमण देखिएकामध्ये ४६६ जनाको मृत्यु भएको छ।
प्रदेश १ मा कोभिड १९ विरुद्धको खोप २ लाख ९८ हजार ८५३ लाई लगाइएको छ।