झन्डै डेढ सय कोरोना संक्रमित थपिए

काठमाडौं– नेपालमा थप १४५ जनामा कोरोना भाइरसको संक्रमण पुष्टि भएको छ।

स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ३ हजार ९६३ जनाको पीसीआर गर्दा १४५ जनामा संक्रमण पुष्टि भएको हो।

योसहित नेपालमा कोरोना संक्रमितको संख्या दुई लाख ७६ हजार ३८९ पुगेको छ। पछिल्लो २४ घन्टामा ९० जना निको भएर फर्किएका छन्।

योसहित कोरोनाबाट निको हुनेको संख्या दुई लाख ७२ हजार १८७ पुगेको छ।

मन्त्रालयका अनुसार कोरोनाबाट निको हुनेको दर ९८.५ प्रतिशत पुगेको छ।