परिआए विश्वासको मत सजिलै देखाउँछु : प्रधानमन्त्री 

काठमाडौं- प्रधानमन्त्री केपी शर्मा ओलिले परिआए विश्वासको मत सजिलै देखाउने बताएका छन्।

बालुवाटारमा सम्पन्न केन्द्रीय कमिटी बैठकलाई सम्बोधन गर्दै उनले यस्तो बताएका हुन्।

‘राजीनामा दिनु पर्दैन भनेर प्रश्न गर्नेहरुलाई म भन्छु पर्दैन। अविश्वासको प्रस्ताव ल्याउन सक्नुहुन्न। विश्वासको मत फिर्ता लिन सक्नुहुन्न।’ उनले भने, ‘मुटुमाथि ढुंगा राखी विश्वासको मत दिनु हुनेछ। नत्र चुनावमा जानु पर्नेछ।’

‘चुनावमा जाँदा जनताको चाहना बुझ्नु भएकै छ’, उनले भने। संयमताका साथ सबै दलसँग वार्ता गर्ने काम भइरहेको उनले बताए। परि आए विश्वासको मत सजिलै देखाउने प्रधानमन्त्रीको भनाइ छ।

उनले आफू सरकारको लागि मरिहत्ते नगर्ने बताए। सरकार परिवर्तन भए चुनावबाट स्पष्ट बहुमत ल्याउने बताएका छन्।