सुर्खेत– शताब्दी पुरुष सत्यमोहन जोशीलाई ‘कर्णाली साहित्य समाज साधना सम्मान’ प्रदान गरिने भएको छ।
जोशीले कर्णालीलाई चिनाउन गरेको योगदानको कदर गर्दै कर्णाली साहित्य समाजले सम्मान गर्न लागेको हो।
५० हजार राशीको ‘कर्णाली साहित्य समाज कृति पुरस्कार’ ललित विष्टको कथासंग्रह ‘मोहपथ’ ले पाउने भएको छ।
२०७६ सालमा प्रकाशित कृतिमध्येबाट ‘मोहपथ’ कर्णाली साहित्य समाज कृति पुरस्कारका लागि छनोटमा परेको हो। यो कर्णाली प्रदेशकै ठूलो पुरस्कार राशिको साहित्यक पुरस्कार हो।
२५ हजार राशिको ‘कर्णाली साहित्य समाज प्रतिभा पुरस्कार’ लोकसाधक प्रेमदेव गिरी पाउने भएका छन्। आउँदो ११ गते सम्मान र पुरस्कृत प्रदान गरिने कर्णाली साहित्य समाज सुर्खेतका अध्यक्ष अध्यक्ष खगेन्द्र अधिकारीले जानकारी दिए।