काठमाडौं – राष्ट्रपति विद्यादेवी भण्डारीले आज (सोमबार) कोभिड-१९ विरुद्धको खोप लगाउने भएकी छन्।
खोप अभियानको दोस्रो चरणको प्राथमिकताअनुसार राष्ट्रपति भण्डारीले आज त्रिवि शिक्षण अस्पताल महाराजगञ्ज पुगेर खोप लगाउने कार्यक्रम छ।
पहिलो चरणमा माघ १४ बाट कोरोनाविरुद्धको खोप अभियान सुरु गरेको सरकारले फागुन २३ देखि दोस्रो चरणको अभियान सुरु गरेको छ।
आज दोस्रो प्राथमिकतामा परेकाहरूको पहिलो चरण खोप कार्यक्रम कार्यक्रम सुरु भएको १० दिन पुगेको छ।
दोस्रो चरणअन्तर्गत ६० वर्षमाथिका ज्येष्ठ नागरिकलाई खोप दिन थालिएको छ।
दोस्रो चरणको खोप अभियान सुरु भएकै दिन फागुन २३ मा प्रधानमन्त्री केपी शर्मा ओलीले पनि कोरोनाविरुद्धको खोप लगाएका थिए।